Byrgið

Næst á dagskrá er þessi bölvaði skandall úr byrginu. 

Skv. öllu sem ég hef lesið og trúi þá hefur hann Gummi kallinn hefur verið að pota hlutum sem hann á ekki að pota á ranga staði um nokkurt skeið og komist upp með það hingað til. Þetta kom í dagsljósið fyrir skömmu og hefur allt verið í háalofti síðan. Mér finnst þetta hið besta mál. Hef sjaldan skemmt mér jafn mikið yfir einhverju fjölmiðlafári og þessu. Gummi raðar upp viðtölunum og lýgur meira og meira í hvert skipti og blandar fjölskyldunni sinni í þetta líka. Hversu djúsi er þetta og hversu djúsí mun þetta verða? Nú er það komið á daginn að maðurinn sem dóttir Gumma minntist á í DV og ásakaði um kattarkyrkingar og sjálfsfróun hefur komið fram á sjónarsviðið og það að sjálfsögðu með bloggi á minnsirkus. Internetið er æðislegt tól.

http://sigvardur.minnsirkus.is/Blogg/

Hvet fólk til að lesa þetta í gegn. Akkurat núna hlakkar í mér þegar blaðið kemur inn um lúguna hjá mér svo ég geti lesið nýjasta nýtt frá Gumma kallinum í sambandi við þetta þar sem hann gæti tekið upp á því að greina frá samsæri íslensku leyniþjónustunnar sem er ekki mikið leyni lengur til þess að steypa honum af stóli í stjórn Byrgisins.  Vávávíva!

Sólarhringurinn hjá mér er í ágætis rugli akkurat núna, ég sofnaði til að mynda kl. 19:00 í gær og vaknaði fyrir 2 tímum. Magnaður skítur það.

Annars er ég nýbúinn að uppgötva te. Já TE! Og ekkert venjulegt te heldur. Sumir vilja líkja þessu við kaffi nema ekki kaffi. Aðrir vilja líkja þessu við te en ekki te. Ég persónulega líki þessu við ókeypis
amfetamínsprautu í rassinn. Þetta er að sjálfsögðu ein af grilljón herbalife afurðum sem ég hef hatað í gegnum tíðina einfaldlega vegna þess að þetta heitir herbalife og innifelur ekki í sér McDonalds eða KFC. Gott mál það. 

Ég henti tveimur lögum inn til að testa þetta blog viðmót og þarf smá tíma til að læra á það.

Lögin eru Sander Kleinenberg - This is Miami semsagt mjög grúví sýrutaktur og tilgangslaus texti inn á milli ( what's not to like? ) og svo að sjálfsögðu the next big thing í rappi eða félagi minn hann Kristinn Freyr "Kjaftur" eins og hann kýs víst að kalla sig núna. Ég er allt annað en aðdáandi rapps, hvað þá íslensks rapps. En viti menn, ég fíla þetta lag í botn. Þess má geta að Sander Kleinenberg kemur hingað til lands í febrúar og verður að sjálfsögðu haldið á Brodway um þann tíma til að dansa af sér rassinn. Svo má ekki gleyma því að hann "Kjaftur" mun ásamt nokkrum öðrum hita upp fyrir Basshunter í dag  ( eða á morgun ég veit varla hvað klukkan er né hvaða dagur er ) eða 29.desember einnig á Brodway. Um að gera að mæta þangað.

Kjaftur - Fylliraftur
Sander Kleinenberg - This is Miami

Skrár tengdar þessari bloggfærslu:

• Sander Kleinenberg - This is Miami
• Kjaftur - Fylliraftur

Dauðinn og Saddam

Jæja nú byrjar fjölmiðlafárið allt upp á nýtt þar sem að Saddam mun loksins verða á hinum endanum á snörunni og ekki við handfangið.  

Ég tel mig nú vera á móti dauðarefsingun en mér finnst alltaf eins og verið sé að skora á þessa fullvissu mína núna nýlega. Það eru svo margir hlutir í heiminum sem að fólk einfaldlega þekkti ekki til hér áður fyrr og fer maður kannski að endurskoða skoðanir mínar á dauðarefsingunni.
Ég veit að það er bara annahvort dauðarefsing eða ekki. Annaðhvort styður maður hana eða ekki. En í þessu tilfelli langar mig einfaldlega að láta þetta ganga fyrir sig auga fyrir auga, tönn fyrir tönn. Trúið mér þetta er ekki eini einræðisherrann sem á skilið að deyja og það helst við pyntingar.
Ég gef lítið fyrir genfarsáttmálann og alla aðra sáttmála þegar að heimurinn fer versnandi með hverjum deginum sem líður og tekst að toppa sjálfan sig í ógeðinu hvort sem um er að ræða barnaperra eða einræðisherra.

Fyrir utan allt þetta þá á ég mjög bágt með að skilja hvernig fólk getur á einhvern mögulegann hátt haft einhverja vorkunn fyrir þessum manni. Í fullri alvöru þetta er innbyggt í manneskjuna þetta villimannseðli og það eina sem hefur komið í veg fyrir hana hingað til er siðmenntun í sinni stærstu mynd.
Ef að við VIRKILEGA veltum þessu aðeins fyrir okkur. Á þessi maður skilið að lifa? Er mögulega hægt að réttlæta tilveru hans í þessum heimi þegar að hann hefur valdið svona miklum sársauka í kringum sig og nota bene myndi gera það allt aftur ef hann fengi tækifæri til þess. Þegar hann sést í réttarsalnum aumkunarverður og berskjaldaður með tár á kinnunum, vorkennið þið honum?

Maður spyr sig....